Қазақстандық боксшы Назым Қызайбай Қытайда өткен Әлем кубогында жеңімпаз атанды. Ол 54 келіге дейінгі салмақта ел намысын қорғап, финалда Италия спортшысы Сирин Чараабимен кездесті деп хабарлайды Altyn-Orda.kz
Шешуші жекпе-жек тартысты өтті. Дегенмен Назым тәжірибесі мен шеберлігін көрсетіп, қарсыласынан басым түсті. Төрешілер шешімімен қазақстандық боксшы 4:1 есебімен жеңіске жетіп, алтын медаль иеленді.
Бұл жеңіс Қазақстан әйелдер боксы үшін маңызды жетістік болды. Назым Қызайбай ұзақ жылдан бері ұлттық құраманың көшбасшыларының бірі саналады. Ол халықаралық жарыстарда бірнеше рет ел абыройын қорғап, қазақ боксының деңгейін дәлелдеп келеді.
Қытайдағы жеңіс оның әлі де жоғары формада екенін көрсетті. Әлемдік бәсеке күшейген кезде мұндай алтын медаль Қазақстан спорты үшін ерекше қуантатын жағдай .
Назым Қызайбайдың бұл табысы жас спортшыларға да үлкен жігер береді. Ол қажырлы еңбек, тәртіп пен сенім болса, әлемдік рингте биік нәтижеге жетуге болатынын тағы бір дәлелдеді.
Толығырақ: Altyn-Orda.kz
