Пашинян жеңіске жетті : Армения жаңа бағытты таңдады

Армения премьер-министрі Никол Пашинян парламенттік сайлауда өзінің «Азаматтық келісім» партиясы жеңіске жеткенін мәлімдеді деп хабарлай  Altyn-orda.kz

Алдын ала мәліметтер бойынша, билеуші партия қарсыластарынан айқын басым түскен.

Бұл нәтиже Армения қоғамының елді Ресейге тәуелді саясаттан алыстатып, Еуропа және басқа серіктестермен байланысты күшейту бағытын қолдайтынын көрсетті.

Пашинянның қарсыластары Мәскеумен бұрынғыдай тығыз қарым-қатынасты сақтауды жақтаса, қазіргі билік Арменияның дербес сыртқы саясат жүргізуі керек екенін алға тартып келеді.

Сарапшылардың айтуынша, бұл сайлау Армения үшін тек ішкі саяси бәсеке емес, елдің болашақ бағытын айқындайтын маңызды кезең болды.

Енді Пашинян үкіметі Әзербайжанмен бейбіт келіссөздерді жалғастырып, Еуропамен әріптестікті тереңдетуге күш салуы мүмкін.