[:kz]
Жәбірленушінің туыстары қылмыскерді жалаңаштап таяққа жыққан және оны видеоға түсірген.
Оңтүстіктегі атышулы Абай ауылында полиция қызметкерінің тарапынан сексуалды қысым көрдім деген азаматтың оқиғасы заңгерлердің құлағына жетіп, жұмбақ жағдайда жабылып қала беретін іс қайта жанданды, деп хабарлайды KYN.KZ сайты Еуразия арнасының жаңалықтар қызметіне сілтеме жасай отырып.
Ал «зардап шектім» деген жігіттің таныс-туыстары мұны біле сала зорлады деген күдіктіні ұстап алып, тыр жалаңаш шешіндіріп тастап видеоға түсіріп интернетке салып жібергенге ұқсайды. Оқиға қалай өрбіуде? Әріптесім Айбек Қосанның материалында.
Видеоның әлеуметтік желіге жүктелгеніне көп болмаған. Кадрда осыған дейін Түркістан облысында полицияда қызмет атқарып жүргенінде бозбаланы зорлады деп айыпталған күдікті.
Ал зардап шеккен мына азамат жарты жыл бұрын біздің редакцияға шағымданып келген болатын. Оның айтуынша, осыдан бірнеше жыл бұрын ауылдастары зорлап тастаған. Осыдан кейін 22 жастағы жігіт психологиялық тұрғыдан жәбір көргенін де жасырмаған болатын. Себебі, еңгезердей азаматтар оған сексуалдық тұрғыдан қысым көрсетіп қана қоймай, біраз уақытқа дейін қорқытуларын доғармаған.
«Алдыңғы түнде не болғанын білесің бе? -Жоқ, білмеймін ,-дедім мен. –Алдыңғы түнде мен сені жыныстық қатынасқа салдым және оны өзімнің ұялы телефоныма түсіріп алдым,- деді. Егер айтқанымды істемесең, видеоны ютубқа салам, әке-шешеңнің позорын шығарамын деп. Ауылдан мүлдем басынды көтере алмай шығып кетесің»,-деп айтты дейді зорланған жігіт.
Шағымданушы зорланғаннан кейін Шымкенттегі венерология емханасында тексерілгенін де айтқан еді. Оның барысында жыныстық қатынас кезінде жұғатын инфекция табылғаны расталған. Ал, екі күдікті де анализ тапсырғанда олардан да дәл осы ауру анықталыпты. Бірақ, бұл фактілерді жергілікті құқық қорғау органдары назарға алмай келген.
Айман Омарованың азаматтардың құқығын қорғап жүргеніне аз уақыт болмапты. Бірақ 16 жасында еңгезердей азаматтардан сексуалды зәбір көрген жігіттің оқиғасын естігенде жүрегіне ауыр тигенін айтады. Қылмыскерлердің бірі сол уақытта полиция қызметкері болды деген күдікті заңгер жоққа шығармайды. Істің алға баспай қоюына осы түрткі болуы бек мүмкін, дейді.
«Ештеңе жасалмай жатқанын анық көруге болады. Қалайша көз жұмылып келген? Жәбірлеушілер мен мына жігіттің бойынан бірдей инфекция табылғаны туралы сараптаманың қорытындысында жазылып тұр. Қылмыс жайлы жазылған аудио және видео жазбалар да қолдарында десек болады. Бірақ, оның өзі дәлелге саналмалмаса білмеймін»,-дейді заңгер Айман Оразхан.
Ресми деректерден белгілі болғандай аталған қылмысқа байланысты арыз 2015 жылы жергілікті полиция департаментіне түскен. Бірақ, бір қызығы содан бері төртінші жылға аяқ бастық. Ал іс әлі бір орында тұр. Облыстың құқық қорғау органдарының пікірі бөлек.
«Қазіргі таңда тергеу жұмыстарымен айналысып жатқан Түркістан облыстық департаментінің тергеу басқармасы. Олар ҚР ҚК 121 сотқе дейінгі тергеу амалдарын жүргізіп жатыр. Ал күдіктінің біреуі бұрынғы полиция қызметкері. 2016 жылы полиция қызметінен аластатылған»,-дейді облыстық полиция департаментінің ресми өкілі Салтанат Қаракөзова.
Бұл істің айналасында қоғамдық резонанс туындағаны анық. Бозбала шағында погон таққан полицейден сексуалды қорлық көрген жігіттің мәселесі парламент қабырғасында да көтеріліп, бас прокуратураға да жетіп отыр.
kyn.kz
[:]
