[:kz]
Алматыда із-түзсіз жоғалған Сафар Шакеевтің анасы – Жібек Шакеева теледидар арқылы халыққа үндеу жолдап, ұлын тауып беруге көмектесуді сұрады. «Біреу менің баламды күштеп ұстап отырса, өтінемін, мені ана ретінде түсініңізші. Сіздердің де аналарыңыз бар ғой. Сіздерге қарсы ешқандай арыз-шағымның болмайтынына сөз беремін», — дейді С.Шакеевтің анасы, деп хабарлайды Baq.kzтілшісі «Хабар» арнасына сілтеме жасап.
Айта кетейік, соңғы рет Е.Шакеевті шілденің 16-сы күні таңғы сағат 7:00-дің шамасында Әл-Фараби даңғылындағы «Казкоммерцбанктің» орталық кеңсесінде көрген. Үстінде қызғылт жейде мен көк джинсы болған. Ол туралы хабар берген адамға сыйақы тағайындалып отыр. Сондай-ақ шілденің 16-сы күні Әл-Фараби даңғылы мен Весновка өзені маңайында өткен барлық көліктердің бейнетіркеу аппараттарына түскен жазбалар қажет болып отыр.
[:]
