Тоқаев Қорғаныс министрлігіндегі үш басшыны қызметінен босатты

Президент Қасым-Жомарт Тоқаевтың өкімімен Қазақстан Қарулы Күштеріндегі үш жоғары лауазымды басшы қызметінен босатылды деп хабарлайды Altyn-orda.kz 

Ақорданың хабарлауынша:

Қаныш Әбубәкіров Қорғаныс министрінің бірінші орынбасары – Қазақстан Республикасы Қарулы Күштері Бас штабының бастығы қызметінен босатылды.

Алмаз Джумакеев Қорғаныс министрінің орынбасары қызметінен кетті.

Қанат Ниязбеков Қазақстан Республикасы Қарулы Күштері Әскери-теңіз күштерінің бас қолбасшысы лауазымынан босатылды.

Тиісті өкімдерге Мемлекет басшысы Қасым-Жомарт Тоқаев қол қойды.

Бұл кадрлық өзгерістер Қорғаныс министрлігінде соңғы уақытта болған бірқатар оқиғалардан кейін жасалып отыр. Бұған дейін Каспий теңізіндегі әскери оқу-жаттығу кезінде әскери қызметшілер қаза тауып, оқиғаға байланысты тергеу басталған болатын.