Қазақстанның алтын қоры 377 тоннаға жуықтады: резервтер $70,6 млрд-қа жетті

Қазақстанның алтын-валюта резервтері өсіп келеді.

2026 жылғы тамыз айының қорытындысы бойынша оның көлемі 70,6 млрд долларға жетті.

Бір жыл ішінде резервтер 16,3 млрд долларға немесе шамамен 30%-ға артқан. Бұл ел тарихындағы ең жоғары өсім көрсеткіштерінің бірі.

Соңғы жылдары Қазақстанның алтын-валюта резервтерінің құрылымы да айтарлықтай өзгерді. Ондағы алтынның үлесі артып, еркін айырбасталатын валютадағы активтердің үлесі азайып келеді.

Тамыз айының соңында алтынның үлесі ел тарихында алғаш рет 79%-дан асты.

Ақшалай есептегенде Қазақстанның алтын қоры шамамен 55,8 млрд долларды құрайды.

Ал физикалық көлемі 12,1 млн трой унциясына, яғни 377 тоннаға жуық алтынға жеткен.

Алтын қорының өсуіне Ұлттық банктің бағалы металды белсенді сатып алуы да әсер етті. World Gold Council мәліметінше, 2026 жылдың басынан шілде айына дейін Қазақстан Ұлттық банкі 29 тонна алтын сатып алған.

Осының арқасында Қазақстан әлемдегі алтынды ең көп сатып алған орталық банктердің қатарына кірді.

Соңғы үш жылда Қазақстанның жалпы алтын-валюта резервтерінің көлемі екі еседен астам өсті.

Осылайша, алтын Қазақстанның қаржылық тұрақтылығын қамтамасыз ететін негізгі резервтік активтердің біріне айналып келеді.

ДЕРЕККӨЗ finprom.kz