Қазақстан әлемдегі алтын өндіретін жетекші 15 елдің қатарына кірді
Қазақстан алтын өндірушілерінің VII форумында алтын өндіру саласын дамыту перспективалары мен инвестиция тарту мәселелері талқыланды. Бұл туралы Stan.kz ақпарат агенттігі хабарлайды.
Іс-шараға бизнес өкілдері, салалық қауымдастықтар, инвесторлар және тау-кен-металлургия саласының мамандары қатысты.
Өнеркәсіп және құрылыс министрлігінің Өнеркәсіп комитетінің төрағасы Азамат Панбаев Қазақстанның пайдалы қазбалар қоры жеткілікті екенін айтты.
“Мемлекеттік есепте 374 алтын кен орны тіркелген, олардың жалпы қоры 2 369 тонна. 2025 жылы мемлекеттік есепке қоры шамамен 98 тонна алтын болатын бес жаңа кен орны енгізілген”, – деді Азамат Панбаев.
Дүниежүзілік алтын кеңесінің деректеріне сәйкес, Қазақстан алтын өндіру көлемі бойынша әлемде 14-орында тұр. Өткен жылы елде 71,2 тонна тазартылған алтын өндірілген.
Altyn-orda.kz сайты 2009 жылдың қазан айынан бастап жұмыс жасауда. Біз 13 жыл бойы еліміздегі және әлемдегі маңызды ақпараттарды таратудамыз.
Материалды көшіріп басу кезінде Altyn-orda.kz сайтына тікелей гиперсілтеме көрсету міндетті.
Енді бізде өзіміздің мобильдік қосымша бар. Барлық уақытта маңызды жаңалықтардан хабардар болыңыз! Көшіріп алыңыз!
