Лавров пен Ушаков АҚШ-пен келіссөздер жүргізу үшін Эр-Риядқа ұшып барды (видео)
Ресей сыртқы істер министрі Сергей Лавров пен президенттің көмекшісі Юрий Ушаков Ресей мен АҚШ арасында келіссөздер өтетін Сауд Арабиясына ұшып барды. Владимир Путиннің көмекшісі келіссөздердің негізгі мақсатын атады деп хабарлайды Altyn-orda.kz Kaz.nur.kzке сiлтеме жасап
«Россия 24» телеарнасының хабарлауынша, Ушаков Эр-Риядтағы делегацияның басты міндеті Мәскеу мен Вашингтон арасындағы қарым-қатынасты нақты қалыпқа келтіруді бастау екенін айтты. «Көреміз, ең бастысы, Вашингтонмен арамыздағы қарым-қатынасты нақты қалпына келтіруді бастау», — деп жауап берді ол журналистерге ұшақтан шығып бара жатып.
Ушаковтың айтуынша, Ресей федерациясының делегациясы америкалықтармен келіссөздер жүргізуге «байыптылықпен» келген. Сондай-ақ ол келіссөздердің екіжақты болатынын айтты.
Еске сала кетейік, 12 ақпанда АҚШ президенті Дональд Трамп Ресей президенті Владимир Путинмен телефон арқылы сөйлескен болатын.
Кремль баспасөз қызметі келіссөздер жоспарланып отырғанын растап, Путин Трампты Мәскеуге шақырғанын хабарлады. Ресей Федерациясының президентімен сөйлескеннен кейін Трамп Украина президенті Владимир Зеленскийге телефон соқты. Зеленскийдің айтуынша, әңгімеде Трамп Путинмен әңгімесінің егжей-тегжейін бөлісті.
Кейін Трамп Украина басшысы Путин сияқты бітімгершілікке қол жеткізгісі келетінін айтты. Ал 14 ақпанда АҚШ президенті Украинадағы қақтығысты реттеу бойынша келіссөздер осы аптада Сауд Арабиясында өтетінін мәлімдеді.
Altyn-orda.kz сайты 2009 жылдың қазан айынан бастап жұмыс жасауда. Біз 13 жыл бойы еліміздегі және әлемдегі маңызды ақпараттарды таратудамыз.
Материалды көшіріп басу кезінде Altyn-orda.kz сайтына тікелей гиперсілтеме көрсету міндетті.
Енді бізде өзіміздің мобильдік қосымша бар. Барлық уақытта маңызды жаңалықтардан хабардар болыңыз! Көшіріп алыңыз!
