Қазақстан балуандары Азия чемпионатында 13 алтын медаль жеңіп алды

Вьетнамның Вунгтау қаласында өткен күрес бойынша Азия чемпионатында Қазақстанның жасөспірім және жастар құрамасы тамаша нәтиже көрсетті.

Altyn-orda.kz НОК РК-ге сілтеме жасап хабарлағандай, біздің спортшылар 38 медаль жеңіп алып, оның 13-і — алтын болды.

23 жасқа дейінгі (U23) санатында грек-рим күресінен Ерсыл Мамырбеков (55 кг), Исхар Курбаев (60 кг), Багдат Сабаз (67 кг) және Ақжан Ықыласов (77 кг) чемпион атанды. Еркін күресте Майис Алиев (70 кг) топ жарса, әйелдер күресінде Виктория Хусаинова (59 кг) алтын медаль иеленді.

17 жасқа дейінгі (U17) спортшылар арасында грек-рим күресінен Қуанышбек Жанажол, Нұрдәулет Құмарұлы, Дамир Ақан және Досбол Шамиль алтын жүлдеге қол жеткізді. Еркін және әйелдер күресінде Ибрагим Ысқақбек пен Жайдар Мұқат көзге түсті.

Командалық есеп:

• U23: Қазақстандық «классиктер» — бірінші, еркін күресшілер — екінші, қыздар — үшінші орында.

• U17: Еркін күресшілер — бірінші, грек-рим күресшілері — екінші, қыздар командасы — төртінші орын алды.

Қазақ балуандары күрестің — ұлттық күшіміз екенін тағы бір мәрте дәлелдеді.