Қандастар енді мәртебе алу үшін онлайн өтінім бере алады

Қазақстанда қандас мәртебесін алу және ұзарту рәсімі жеңілдетілді. Енді өтінімді толықтай онлайн форматта беруге болады, деп хабарлайды Altyn-orda.kz PRG.Zanger порталына сілтеме жасап.

Еңбек және халықты әлеуметтік қорғау министрлігінің 2025 жылғы 10 қазандағы №317 бұйрығына сәйкес, қандастар өтінімдерін Бірыңғай көші-қон қызметтері порталы, мобильді қосымша, Қазақстанның шетелдегі өкілдіктері немесе eGov.kz порталы арқылы жібере алады.

Барлық құжаттар электронды түрде жүктеліп, автоматты түрде «Қандас» ақпараттық жүйесіне (АИС) түседі.

Тіркеуден кейін өтініш жергілікті әлеуметтік қорғау органдарына жолданып, өтініш беруші оның қабылданғаны туралы хабарлама алады.

Министрлік өкілдерінің айтуынша, процесті цифрландыру өтініштерді қарау мерзімін қысқартып, ашықтықты арттырады және азаматтардың жеке қатысуын барынша азайтады.

Бұл жаңашылдық көші-қон қызметтерін жаңғырту және қоныс аударушылардың мемлекеттік қызметтерге қолжетімділігін кеңейту бағдарламасының бір бөлігі болып табылады.