“Қайрат” қақпашысы Чемпиондар лигасын шулатты – Анарбеков ойынның үздігі атанды

“Қайрат” футзал клубының қақпашысы Темірлан Анарбеков UEFA Чемпиондар лигасындағы кезекті ойында шебер ойынымен көзге түсіп, матчтың үздік ойыншысы деп танылды деп хабарлайды Altyn-orda.kz

Анарбеков кездесудің ең жауапты сәттерінде команданы бірнеше рет құтқарып, қарсыластардың қауіпті соққыларын қайтарды. Оның сенімді қимылдары мен жылдам реакциясы ойынның тағдырына тікелей әсер етіп, “Қайраттың” жеңіс жолындағы басты факторлардың біріне айналды.

Жанкүйерлер әлеуметтік желілерде Темірланның ойынын жоғары бағалап, оны “команданың жүрегі” деп атап жатыр. Клуб басшылығы да матчтан кейін қақпашыны ерекше атап өтіп, оның кәсіби деңгейі мен тұрақтылығын мақтады.

Темірлан Анарбеков бұл маусымда ерекше сенімді өнер көрсетіп келеді. Чемпиондар лигасындағы бұл марапат — оның еңбегіне берілген лайықты баға.

сурет www.nurphoto.com алынды