Таиландта суға батқан қазақстандық жігіт қайтыс болды

Таиландта демалыс кезінде суға батқан қазақстандық Артур Ысқақов көз жұмды. Бұл туралы Stan.kz ақпарат агенттігі хабарлайды.

24 жастағы жігіттің жан тапсырғаны туралы әпкесі әлеуметтік желілерде айтты. Қазақстандық есін жимай, қаза тапты.

«Артур енді бізбен бірге емес», – деп жазды қыз.

Артурдың денесі жақын арада Қазақстанға жеткізіледі.

Осыған дейін Таиландқа демалуға барған Артур Ысқақов жұбайын құтқармақ болған кезде суға батып, ауыр халде ауруханаға жатқаны хабарланды.