Мәскеу дрон шабуылына ұшырады: мұнай өңдеу зауыты зақымданды

Мәскеу тағы да дрондардың нысанасына ілікті, деп хабарлайды Altyn-Orda.kz.

Ресейлік дереккөздердің мәліметінше, қалаға қарай ұшқан бірнеше ұшқышсыз аппарат әуе қорғанысы арқылы атып түсірілген.

Дегенмен шабуылдан кейін Мәскеудің кейбір аудандарында төтенше қызметтер жұмыс істегені хабарланды.

Әсіресе Капотня ауданындағы мұнай өңдеу зауыты маңында жағдай күрделенген.

Бұл нысан Ресей астанасы үшін стратегиялық маңызы бар өндіріс орындарының бірі саналады.

Ресей билігі зардап шеккендер туралы нақты ақпарат таратқан жоқ. Мәскеу әуежайларында да уақытша шектеулер енгізілгені айтылды.

Сарапшылардың пікірінше, мұндай шабуылдар Ресей үшін соғыстың енді тек майдан шебімен шектелмейтінін көрсетіп отыр. Бұрын дрон соққылары негізінен шекара маңындағы өңірлерде тіркелсе, қазір Мәскеудің өзі де қауіпсіз аймақ болмай қалды.

Бұл оқиға Ресейдің әуе қорғаныс жүйесіне қысым күшейіп жатқанын және Украинадағы соғыстың салдары Мәскеуге дейін жеткенін аңғартады.