Арменияда экс-президент Роберт Кочарян ұсталды: үйінде тінту жүргізілді

Арменияның бұрынғы президенті Роберт Кочарян жемқорлыққа қатысты қылмыстық іс аясында ұсталды. Ол 25 тамызда Арменияның Сыбайлас жемқорлыққа қарсы комитетіне жеткізілген деп хабарлайды Altyn-orda.kz

Тергеу органдары Кочарян мен оның отбасы мүшелеріне қатысты бірнеше ондаған мекенжайда тінту және басқа да тергеу әрекеттерін жүргізді. Бұрынғы президентпен бірге оның ұлы Седрак Кочарянның да ұсталғаны хабарланды.

лық комитеттің мәліметінше, іс мемлекет меншігіндегі бірқатар қымбат жылжымайтын мүліктің нарықтық бағадан едәуір төмен бағаға жеке құрылымдардың қолына өтуіне қатысты іс қозғалған.

Тергеу нұсқасы бойынша, кейбір активтер кейін Кочарянға жақын компаниялар мен оның отбасы мүшелерінің атына рәсімделген.

Сондай-ақ тергеушілер бұрынғы президентке пара ретінде берілуі мүмкін мүліктер мен компания үлестеріне қатысты деректерді тексеріп жатыр.

Жалпы қылмыстық іс аясында алты адамның ұсталғаны хабарланды.

Роберт Кочарян Арменияны 1998–2008 жылдары басқарған. Қазіргі уақытта ол елдегі негізгі оппозициялық саясаткерлердің бірі саналады.

Тергеу жалғасып жатыр. Кочарянға қатысты айтылған күдіктер соттың түпкілікті шешімімен әлі дәлелденген жоқ.