Павлодардағы балабақша тәрбиешісі балаларға дөрекі қарым-қатынас жасағаны үшін жауапқа тартылады

Павлодарда тәрбиешінің балаларға дөрекі қараған сәті – оларды сілкіп, шаштарынан тартып, дөрекі сөйлегені түсірілген видео әлеуметтік желілерде тарағаннан кейін полиция қылмыстық іс қозғады, деп хабарлайды Altyn-orda.kz.

Оқиға балабақша тобындағы бейнебақылау камерасына жазылып қалған. Павлодар облыстық Полиция департаментінің мәліметінше, бұл іс кәмелетке толмағандарды тәрбиелеу жөніндегі міндеттерді орындамау бабы бойынша тергелуде.

Құқық қорғау органдары болған жағдайдың мән-жайын анықтап жатыр және балабақша әкімшілігінің әрекетіне де құқықтық баға берілетін болады