Қорғаста 250 миллиард теңгеге әуежай салынбақ

Қорғаста жаңа халықаралық әуежай салу жоспарланып отыр. Жобаның құны шамамен 250 миллиард теңге деп бағаланған. Әуежай «Қорғас – Шығыс қақпасы» арнайы экономикалық аймағында орналасады деп хабарлайды Altyn-orda.kz 

Жобаны қазақстандық-германиялық SKYHANSA компаниясы жүзеге асырмақ. Әуежай жүк тасымалына да, жолаушыларға да қызмет көрсетеді. Жоба іске асса, өңірде 700-ге жуық жаңа жұмыс орны ашылады.

Қазір жоба дайындық және жоспарлау кезеңінде. Алғашқы кезеңде негізгі инфрақұрылым салынады. Әуежайдың іске қосылуы 2027 жылға, ал толық аяқталуы 2032 жылға жоспарланған.

Бұл жоба Қорғасты Қазақстан мен Қытай арасындағы ірі көлік-логистикалық хабқа айналдыруы мүмкін.